വിശുദ്ധ ഖുര്‍ആനിലെ ഓരോ വാക്കിനും വ്യത്യസ്ത അര്‍ഥങ്ങളുണ്ടെന്നും അത് പഠിക്കാന്‍ പോയാല്‍ സമയം കളയാനേ ഉപകരിക്കൂ എന്നും ഖുര്‍ആന്‍ ജീവിതത്തില്‍ പകര്‍ത്താനുള്ള എളുപ്പ വഴി നബിചര്യ എന്ന് പേരിട്ടു വിളിക്കുന്ന ഹദീസുകള്‍ അനുസരിച്ച് ജീവിതം ക്രമപ്പെടുത്തുകയാണെന്നും വിശ്വസിക്കുന്നവരാണ് ഇസ്ലാം മതക്കാരില്‍ ബഹുഭൂരിഭാഗവും. അങ്ങനെ ഭൂമിയിലുള്ള ഏതാണ്ട് മുഴുവന്‍ ആളുകളും ബഹുഭൂരിപക്ഷത്തെ അനുകരിക്കുകയും ഖുര്‍ആന്‍ വിരുദ്ധ ആശയങ്ങളിലേക്ക് - അവര്‍ അറിയാതെ പടുകുഴിയില്‍ വീഴുകയും ചെയ്യുന്ന കാഴ്ചയാണ് ഖുര്‍ആന്‍ ആശയങ്ങള്‍ പഠിക്കുന്ന ഒരു സത്യാന്വേഷിക്ക് കാണാന്‍ കഴിയുന്നത്.

"അല്ലയോ സത്യവിശ്വാസികളേ, നിങ്ങളിലാരെങ്കിലും അവന്റെ ദീനില്‍ നിന്നു പിന്തിരിയുന്നപക്ഷം (അല്ലാഹു) അവന്‍ ഇഷ്ടപ്പെടുകയും അവനെ ഇഷ്ടപ്പെടുകയും ചെയ്യുന്ന, വിശ്വാസികളോട് വിനയാന്വിതരും സത്യനിഷേധികളോട് കാഠിന്യമുള്ളവരുമായ ജനതയെ (അവന്‍) പകരം കൊണ്ടുവരികതന്നെ ചെയ്യും. അവര്‍ ലോകത്തുള്ള ഒരാക്ഷേപകരുടെയും ആക്ഷേപം ഭയപ്പെടാതെ അല്ലാഹുവിന്റെ മാര്ഗത്തില്‍ സമരം ചെയ്യുന്നതാണ്. അത് (ആ കര്മശേഷി) അവന്‍ തെരഞ്ഞെടുക്കുന്ന ചിലര്ക്കു നല്കുന്ന മഹത്തായ ഒരനുഗ്രഹമത്രെ. അല്ലാഹു വളരെ വിശാലനും അപാര ജ്ഞാനിയുമാകുന്നു.'' (5:54)

"......നമ്മുടെ യുവ തലമുറയുടെയും സാധാരണക്കാരുടേയും ഹൃദയങ്ങളില്‍ " ഖുര്ആ്നിക സത്യങ്ങള്‍" തറച്ചു കയറിയെങ്കിലല്ലാതെ, ഖുര്ആനിന്നെതിരില്‍ 1350 വര്‍ഷങ്ങളായി നില നിന്ന് പോന്ന അബൂഹുറൈറയുടെ ജൂതമതം തകര്ക്കാന്‍ ലോകത്തൊരു ശക്തിക്കും സാധ്യമല്ല.! ഇക്കാലമത്രയും ആ ജൂത മതം നിലനില്ക്കാന്‍ കാരണവുമതാണ്.

ഖുര്‍ആന്‍ അല്ലാഹുവിന്റെ ഗ്രന്ഥമാണ്. ഹദീസുഗ്രന്ഥങ്ങളാവട്ടെ, മുഴുവനും മനുഷ്യ നിര്‍മ്മിതങ്ങളും ജൂതായിസങ്ങള്‍ കുത്തിനിറക്കപ്പെട്ടവയുമാണ്. ഇസ്ളാമിക വിധികളുടെ പരിപൂര്‍ണ്ണ വിശദീകരണം (തിബ്യാന്‍) ആണ് ഖുര്‍ആന്‍ എന്ന് ഖു:16:89ല്‍ അല്ലാഹു വ്യക്തമായി പ്രഖ്യാപിച്ചിരിക്കുന്നു. എന്നാല്‍ ഹദീസുകളെപ്പറ്റി ഒരു വിവരണമാണെന്ന് പോലും അല്ലാഹുവോ റസൂലോ ഒരിക്കലും പറഞ്ഞിട്ടില്ല..! ഖുര്‍ആന്‍ പൂര്‍ണ്ണമായും സംരക്ഷിക്കാമെന്ന് അല്ലാഹു ആദ്യമേ ഏറ്റ കാര്യമാണ്. എന്നാല്‍ ഒറ്റ ഹദീസും സംരക്ഷിക്കാമെന്ന് അല്ലാഹു ഒരിക്കലും ഏറ്റിട്ടേയില്ല.

പരിശുദ്ധ ഖുര്‍ആന്‍ ഒരാവര്‍ത്തിയെങ്കിലും ശ്രദ്ധയോടെ വായിച്ച സത്യാനേഷിയുടെ ഹൃദയത്തില്‍ ഒരു ചോദ്യം ഉയര്‍ന്നുവരാതിരിക്കുകയില്ല. മുസ്ലിം സമുദായത്തില്‍ ഇന്ന് നിലവിലുള്ള ആചാരാനുഷ്ഠാനങ്ങള്‍, അവര്‍ക്ക് ബാധകമെന്ന് അവര്‍തന്നെ സാഭിമാനം അവകാശപ്പെടുന്ന വ്യക്തി നിയമങ്ങള്‍ എന്നിവ ഏറിയ കൂറും പരിശുദ്ധ ഖുര്‍ആനിന് കടക വിരുദ്ധമായിരിക്കുവാനുള്ള കാരണമെന്ത്?

മുസ്ലീകള്‍ എല്ലാം പഠിക്കുന്നു. ഖര്‍ആന്‍ മാത്രം പഠിക്കുന്നില്ല. ഇസ്‌ലാമില്‍ ഒരേയൊരു പ്രമാണം മാത്രമേയുള്ളൂ അത്‌ വിശുദ്ധ ഖുര്‍ആനാണ്‌. മതപരമായ എല്ലാ കാര്യങ്ങളുടെയും വിശദീകരണം ഖുര്‍ആനിലുണ്ട്‌. മുഹമ്മദ്‌ നബി ഖുര്‍ആന്‍ അനുസരിച്ചു ജീവിക്കുകയും വിധിക്കുകയും ചെയ്‌തു മാതൃക കാണിക്കുകയും നബിചര്യ എന്നാല്‍ ഖുര്‍ആന്‍ ചര്യ അഥവാ ഖുര്‍ആന്‍സുന്നത്താ(നടപടിക്രമം)ണെന്നു തെളിയിച്ചു തരികയും ചെയ്‌തു. ഇസ്‌ലാം സ്ഥിതിചെയ്യുന്നത്‌ വിശുദ്ധ ഖുര്‍ആനിലല്ലാതെ മറ്റൊന്നിലുമല്ലെന്നു പകല്‍വെളിച്ചം പോലെ മനസ്സിലാക്കാന്‍ സാധിക്കുന്നു. ചിന്തിക്കുക, ഇതാണ്‌ ഖുര്‍ആന്‍ ഉല്‍ബോധിപ്പിക്കുന്നത്‌.